lipu lon mi
tenpo ante:
mi jan Awale. ni li pona tawa mi: mi pali e ijo li kama sona e ijo. mi tan ma tomo Epesin. ma ni li lon ma Sukosi.
mi sitelen e nasin pi toki weka. mi pali li lukin sona e nasin. tenpo la ilo nanpa lon insa nasin. mi wile kama sona e ni: nasin li pana e toki len anu toki lon anu toki awen. mi wile kama sona e ni: jan ike en kon ma wawa li utala e nasin la nasin li anpa ala.
mi pali e kulupu tomo pi linja wawa pi ilo nanpa. jan kulupu li pali li kama sona e linja wawa e ilo nanpa. tenpo lili la mi pali li kama sona e linja wawa. tenpo suli la mi pali li kama sona e ilo nanpa. kulupu sama li lon ma ale.
tenpo la mi toki kepeken ilo pi toki weka. ilo pi toki weka li pana li kama jo e toki kepeken linja ala. nasin toki ni li pona tawa mi.
lon tenpo suno la mi pali ilo kon kepeken ilo nanpa lon kulupu Esatu. ilo kon li lawa e ilo nanpa. mi pona kin e ilo nanpa. pali mi li pona tawa lawa jan. pali mi li wawa tawa jan ike tawa kon ma wawa.
tenpo pini la mi pali ilo kon li alasa sona lon kulupu To Poje. tenpo pini ni la mi alasa sona lon kulupu pi alasa sona. kulupu li lon tomo pi pana sona pi alasa sona.
mi lon kulupu loje pi palisa tu. mi pali lon kulupu ni la ona li pana ala e mani tawa mi. mi wile ala e mani lon pali ni. tenpo pi pakala suli la mi pana pona e jan kepeken ijo kulupu. mi pana pona tawa pilin jan tawa sijelo jan tawa wile ijo jan.